പട്ടങ്ങള്‍

 ഞാന്‍ പറത്തുന്ന പട്ടങ്ങള്‍ 
ഉയരെ പറന്നു ഒടുവില്‍ 
സൂര്യനെ ചുംബിച്ച് .....
തിരിച്ച വരണം എന്നാണ് -
എന്‍റെ ആഗ്രഹം ....പക്ഷെ 
ഉയര്‍ന്നു തുടങ്ങുമ്പോഴേ...
ആരാണതിന്‍ ചരടറുക്കുന്നത്...?
കാറ്റിന്‍റെ ചതിയില്‍ പെട്ട് 
ഗതിയറിയാതെ അലയുന്നുണ്ടാകും
പാവം എന്‍റെ പട്ടങ്ങള്‍ 
പലതും മൂക്കും കുത്തി
മണ്ണില്‍ പതിച്ചു കഴിഞ്ഞു 
പൊട്ടിയ ചരടിന്‍റെ ശിഷ്ട -
ഭാഗവും കയ്യിലേന്തി താഴെ 
മണ്ണില്‍ ഞാന്‍ നിന്ന് തേങ്ങുന്നു 
ഇനിയെന്ത് ചെയ്യും....?

കുന്നിക്കുരു

അതിന്ടെ കറുപ്പ് എനിക്ക്

എന്ടെ ദുഖങ്ങള്‍ ആണ്

 കറുപ്പിനെ വിഴുങ്ങുന്ന

 തെളിഞ്ഞ ചുവപ്പ്എനിക്ക്

 എന്ടെ സന്തോഷങ്ങളാണ്

അത് കൊണ്ടാണ്കുന്നിക്കുരുവിനെ 

ഞാന്‍ എന്ടെ ഹൃദയത്തോട്

 ചേര്‍ത്ത് വെച്ചത്  , അല്ല 

 എന്ടെ ഹൃദയം തന്നെ ആക്കിയത്

 ഇനി കറുപ്പിനെ ചുവപ്പ്

 വിഴുങ്ങി തീര്‍ന്ന്കുന്നിക്കുരു

 പൂര്‍ണ ചുവപ്പകുന്നതും 

കാത്തിരിക്കയാണ്‌

 ഈ പാവം വിഡ്ഢി